Obra-Maestra

"For we are God's workmanship, created in Christ Jesus to do good works, which God prepared in advance for us to do." - Ephesians 2:10

Sa nakaraang Pagbubulay-bulay natin, aking nabanggit na ang tao pala kung lilimiin ay animo'y ga-tuldok lamang sa mata ng isang napakalaki, dakila at makapangyarihang Diyos. Kung ang tao ay ikukumpara sa lawak ng kalangitan na nagtataglay ng araw, ng buwan, tala at mga bituin, kung ihahambing siya sa buong sang-nilikha ng Diyos, napakaliit lamang ng tao kung pagmamasdan. Kung kaya't naibulalas ng Psalmist nang liripin niya ang katayuan sa harap ng Panginoon, "Who is man that you are mindful of Him?" (Psalms 8:4)

Subalit ganun man ang kalagayan natin sa Kanyang harapan, tayo'y maituturing na isang obra-maestra ng Diyos. Ito ang binabanggit ng scripture reference natin sa araw na ito, "For we are God's worksmanship, created in Christ Jesus to do good works, which God prepared in advance for us to do" - na ang ibig sabihin, tayo raw ay isang obra-maestra. A masterpiece. Isang kahanga-hangang gawa at disenyo ng isang dalubhasa.

Ito ang katotohanang binabanggit sa Psalms 139:14, "I praise you because I am fearfully and wonderfully made; your works are wonderful, I know that full well."

Ang obra-maestra o chef d'oeuvre sa salitang Franses ay tumutukoy sa isang gawa o akda na iniukit, ipininta, sinulat o binuo na hinahangaan sa kakaiba nitong pagka-gawa at disenyo tulad ng Mona Lisa ni Leonardo Da Vinci, ng mga akdang-musika ni Beethoven, ng mga panulat ni Shakespeare, ng klasikong "Gone With the Wind", ng Pyramid ng Egypt, ng Taj Mahal sa India, o maging ng Ifugao Terraces sa atin. Ang mga ito'y tinaguriang obra-maestra dahil sa pagtataglay nila ng kakaibang katangian na di makikita sa ibang mga akda at siya namang nagpapatanyag sa gumawa at lumikha nito.

Kung ang tao'y isang obra-maestra ng Diyos, samakatuwid siya'y nagtataglay din ng kakaibang-ganda, ng husay, ng talino at kakayahan na magbibigay papuri at paghanga sa kanyang Tagapaglikha.

Subalit papaano ba napapapurihan ang Diyos na lumikha sa atin bilang Kanyang obra-maestra?

Sabi ng Salita Niya na ating pinagbubulay-bulay, "For we are God's worksmanship, created in Christ Jesus to do good works." Sa atin mga mabubuting-gawa raw ang Diyos ay napapapurihan. Sa pamamagitan ng mga salitang namumutawi sa ating mga labi, sa uri ng ating pamumuhay, ng ating pakikipag-ugnayan sa iba, sa ating pakikipag-kapwa, sa ating pagganap sa kanya-kanyang tungkulin at trabaho, sa ating pagtalima sa mga bagay na matuwid at pag-iwas sa masama, napapapurihan ang Diyos na lumikha sa atin. Kanilang sinasambit "napakahusay, napakagaling, kahanga-hanga, kamangha-mangha, kapuri-puri ang sa kanila'y lumikha."

Ito rin kaya ang mga salitang ating maririnig kung tayo'y pagmamasdan mula sa iskaparate o sa lugar na tayo ay naroroon bilang mga obra-maestra ng Diyos? Nababanggit kaya nila na makapangyarihan at napakabuti ng Diyos? Tumataas ba at lalong tumitibay ang kanilang pananampalataya kung tayo'y kanilang nakakasama o nakikilala? Nakapagbibigay liwanag ba tayo sa mga nasa kadiliman, nakapag-aakay ng mga naliligaw tungo sa tamang landas at daraanan, nakapagpapalakas ba tayo ng mga nanghihina at nakapagdudulot ng galak, sigla at pag-asa sa mga nahahapis at dumaranas ng pighati.

Tayo'y nilikha para sa mga mabubuting-gawa. Iniligtas Niya, pinapadalisay at patuloy na pinalalakas upang sa pamamagitan ng ating mga gawa mapapurihan ang may akda sa atin.

We are God's workmanship, created in Christ Jesus to do good works.

Ikaw, ako, tayong lahat ay Kanyang obra-maestra.

Mapapurihan nawa ang Diyos na lumikha sa atin.

Isang pagbubulay-bulay.

A Visit to Kingdom Tower

Isang kapanapanabik na pagbisita sa Riyadh ang kamakailan ay naganap nang ang inyong lingkod kasama ng mga ibang delegates sa katatapos na Summer Break na ginawa sa Jeddah ay tumuloy muna sa Riyadh upang mamasyal bago bumalik ng Eastern Province. Though I've been in Riyadh many years back, having worked there for almost 10 years bago ako na-assign dito sa Alkhobar. However, may kakaibang damdaming muling mabisita ang Riyadh, especially now na maraming mga bagong magagandang tanawin tulad ng world-famous Kingdom Tower sa may Olaya, Riyadh, at maging ang Faisaliyah Tower.

Sinadya talaga namin na puntahan ang tinagurian pinakamataas na skyscraper sa Saudi Arabia, ang Kingdom Tower, na siya ring 40th tallest building in world with a height of 302 m (991 ft).

If you're coming from Jeddah or from the Eastern Region, malalaman mo na nasa Riyadh ka na kapag natatanaw mo na ang tuktok ng Kingdom Tower. Ito ang siyang nagsisilbing landmark ng Riyadh, at ng kabuuan ng Saudi Arabia.

Sadyang di makakalimutang karanasan ang mapunta at mabisita ang tower na ito kung saan ay aakyat ka sa tinatawag nilang Sky Bridge which is located above the 99 floors of the Tower, at doon ay matatanaw mo ang kabuuan ng Riyadh.

Marami ang bumibisita rito at nagsisilbing tourist spot sa mga turista (tulad namin, hehehe...), bagama't marami ring mga lokal o Saudi national ang sabik na puntahan din ito.

Habang ikaw ay nasa itaas nito ang feeling mo ay parang abot-kamay mo na ang langit. Paano kaya kung foggy at mababa ang ulap. Marahil ay mistulang nakasakay ka sa ulap. Yung nga lamang di mo na tanaw ang kabuuan ng Riyadh pagka't nababalutan ka na ng ulap.

Bumisita rin kami sa iba't ibang bahagi ng Riyadh tulad ng Batha kung saan siyang puntahan at tambayan ng mga Pinoy di lamang pag Huwebes at Biyernes, kungdi marahil araw-araw. Dito ay matatagpuan ang maraming mga pamilihan at mga lugar kainan. Pumunta rin kami sa tanyag na IKEA at bumili ng mga ilang ipapasalubong sa mga kasamahan sa Alkhobar. By the way, malapit ng buksan ang IKEA dito sa Eastern Region.

The next time around you visit Riyadh, don't fail to pass by these places, especially the famous Kingdom Tower. It would be an experience of a lifetime. Believe me.

Cheers and God bless!